Psa 77 | LXX | STEP | Εἰς τὸ τέλος, ὑπὲρ Ιδιθουν· τῷ Ασαφ ψαλμός. φωνῇ μου πρὸς κύριον ἐκέκραξα, Φωνῇ μου πρὸς τὸν θεόν, καὶ προσέσχεν μοι.

Psalms 77

1 ^{▼▼LXX: Psa.76:1}Εἰς τὸ τέλος, ὑπὲρ Ιδιθουν· τῷ Ασαφ ψαλμός. ^{▼▼LXX: Psa.76:2}φωνῇ μου πρὸς κύριον ἐκέκραξα, Φωνῇ μου πρὸς τὸν θεόν, καὶ προσέσχεν μοι. 2 ^{▼▼LXX: Psa.76:3}ἐν ἡμέρᾳ θλίψεώς μου. τὸν θεὸν ἐξεζήτησα, ταῖς χερσίν μου νυκτὸς ἐναντίον αὐτοῦ, καὶ οὐκ ἠπατήθην· ἀπηνήνατο παρακληθῆναι ἡ ψυχή μου 3 ^{▼▼LXX: Psa.76:4}ἐμνήσθην τοῦ θεοῦ καὶ εὐφράνθην· ἠδολέσχησα, καὶ ὠλιγοψύχησεν τὸ πνεῦμά μου. διάψαλμα. 4 ^{▼▼LXX: Psa.76:5}προκατελάβοντο φυλακὰς οἱ ὀφθαλμοί μου, ἐταράχθην καὶ οὐκ ἐλάλησα. 5 ^{▼▼LXX: Psa.76:6}διελογισάμην ἡμέρας ἀρχαίας καὶ ἔτη αἰώνια ἐμνήσθην καὶ ἐμελέτησα· 6 ^{▼▼LXX: Psa.76:7}νυκτὸς μετὰ τῆς καρδίας μου. ἠδολέσχουν, καὶ ἔσκαλλεν τὸ πνεῦμά μου 7 ^{▼▼LXX: Psa.76:8}μὴ εἰς τοὺς αἰῶνας ἀπώσεται κύριος καὶ οὐ προσθήσει τοῦ εὐδοκῆσαι ἔτι; 8 ^{▼▼LXX: Psa.76:9}ἢ εἰς τέλος τὸ ἔλεος αὐτοῦ ἀποκόψει ἀπὸ γενεᾶς εἰς γενεάν; 9 ^{▼▼LXX: Psa.76:10}ἢ ἐπιλήσεται τοῦ οἰκτιρῆσαι ὁ θεὸς ἢ συνέξει ἐν τῇ ὀργῇ αὐτοῦ τοὺς οἰκτιρμοὺς αὐτοῦ; διάψαλμα. 10 ^{▼▼LXX: Psa.76:11}καὶ εἶπα Νῦν ἠρξάμην, αὕτη ἡ ἀλλοίωσις τῆς δεξιᾶς τοῦ ὑψίστου. 11 ^{▼▼LXX: Psa.76:12}ἐμνήσθην τῶν ἔργων κυρίου, ὅτι μνησθήσομαι ἀπὸ τῆς ἀρχῆς τῶν θαυμασίων σου 12 ^{▼▼LXX: Psa.76:13}καὶ μελετήσω ἐν πᾶσιν τοῖς ἔργοις σου καὶ ἐν τοῖς ἐπιτηδεύμασίν σου ἀδολεσχήσω. 13 ^{▼▼LXX: Psa.76:14}ὁ θεός, ἐν τῷ ἁγίῳ ἡ ὁδός σου· τίς θεὸς μέγας ὡς ὁ θεὸς ἡμῶν; 14 ^{▼▼LXX: Psa.76:15}σὺ εἶ ὁ θεὸς ὁ ποιῶν θαυμάσια, ἐγνώρισας ἐν τοῖς λαοῖς τὴν δύναμίν σου· 15 ^{▼▼LXX: Psa.76:16}ἐλυτρώσω ἐν τῷ βραχίονί σου, τὸν λαόν σου τοὺς υἱοὺς Ιακωβ καὶ Ιωσηφ. διάψαλμα. 16 ^{▼▼LXX: Psa.76:17}εἴδοσάν σε ὕδατα, ὁ θεός, εἴδοσάν σε ὕδατα καὶ ἐφοβήθησαν, καὶ ἐταράχθησαν ἄβυσσοι, πλῆθος ἤχους ὑδάτων. 17 ^{▼▼LXX: Psa.76:18}φωνὴν ἔδωκαν αἱ νεφέλαι, καὶ γὰρ τὰ βέλη σου διαπορεύονται· 18 ^{▼▼LXX: Psa.76:19}φωνὴ τῆς βροντῆς σου ἐν τῷ τροχῷ, ἔφαναν αἱ ἀστραπαί σου τῇ οἰκουμένῃ, ἐσαλεύθη καὶ ἔντρομος ἐγενήθη ἡ γῆ. 19 ^{▼▼LXX: Psa.76:20}ἐν τῇ θαλάσσῃ ἡ ὁδός σου, καὶ αἱ τρίβοι σου ἐν ὕδασι πολλοῖς, καὶ τὰ ἴχνη σου οὐ γνωσθήσονται. 20 ^{▼▼LXX: Psa.76:21}ὡδήγησας ὡς πρόβατα τὸν λαόν σου ἐν χειρὶ Μωυσῆ καὶ Ααρων.